دكتور رمضان الكيال يكتب...لماذا يصاب عدد كبير منا بمرض السكر؟
تزايدت الإصابة بمرض السكر ، وفي تزايد مستمر لذلك ستتناول معكم في هذا المقال أسباب مرض السكر، وكيف نصاب به، وأنواعه، وسأذكر لكم أحدث ما توصل إليه العلم فى هذا المرض،وأول شئ عايزين نعرفه، إيه مرض السكر ده؟ ربنا سبحانه وتعالى حاطط فى جسمنا انزيم اسمه الانسولين، حَطُّه مخصوص فى جسمنا علشان لما واحد فينا ياكل سكر أو حلويات، فلو السكر عالى فى الدم، لو فَضَل السكر ده فى الدم، الجسم كله يتسمم، الجسم كله بيدَمَّر من سم إسمه السكر، ربنا خلق له إنزيم مخصوص علشان ياخد السكر من الدم، يعمل بيه إيه؟....يفتح الخلايا ويدخَّلُه فيها ويحوله لطاقه فى صورة دهون.
تانى نقطه عايزين نوضحها هى أنواع مرض السكر المتعارف عليها.
يوجد نوعين النوع الاول والنوع التانى، النوع الاول هو اللى يُعتَبَر مرض حقيقى، لان خلايا البنكرياس ادمَّرَت وفشل البنكرياس عن انتاجه لانزيم الانسولين، لذلك هذا النوع ليس له علاج او حل غير انك تعيش على الانسولين من بره الجسم.
طبيب السكرى يحدد لك الجرعة المناسبة وكيفية اخذها.
اما النوع التانى هو ده محور حديثنا اليوم، انا فضلت آكل سكر بكميات كبيرة لمدة طويلة، اشهر ثم سنه واتنين، آكل نشويات وحلويات واشرب عصائر وأضرب بيبسى، لحد ما جسمى يزيد وما بعملش رياضة وأُصاب بسمنة مُفرِطة.
الانسولين ده عامل زى مفتاح الخلية، كل شويه يجى الانسولين ويفتح الخلايا ويدَخَّل جواها السكر الزياده فى الدم.
مع الوقت هذا المفتاح زى ما يكون صدَّى، يجى يفتح مش قادر ويصاب الانسان بما يُسَمَّى بمقاومة الانسولين.
طيب يعمل ايه البنكرياس، يزود الانسولين وبرضه مش قادر يفتح الخلايا، بيحصل انسولين ريسيستانز، فالانسولين يفضل يعلى ويعلى علشان يخَلَّص الدم من السكر الزائد اللى فيه. فى وقت من الاوقات يبتدى البنكرياس يتعب مش قادر الانسولين يفتح البوابات، فيفضل السكر عالى فى الدم، هو ده مرض السكر من النوع التانى، سنرى كيفية علاج هذا النوع من مرض السكر فى الجزء القادم إن شاء الله.
