الإخوة والأخوات الاعزاء… نستكمل اليوم الحديث عن مرض السكر، ونركز فى هذا الجزء على توضيح أنواع الطعام المسموح اكله فى حالة مرض السكر، فبسم الله نبدأ ونقول:
نظام الكيتو بيركز فى اكلك على الدهون ويقلل جداً النشويات، بالتحديد اكلك اليومى يجب أن يحتوى على ٪75 منه دهون، و ٪20 بروتين، و ٪5 فقط نشويات، الناس التى مشت على هذا النظام الغذائى بطَّلت ادوية سكر خالص، لماذا؟… لان الدهون والبروتين مش محتاجه انسولين، شوف الاكل بتاعنا بينقسم الى ثلاث اجزاء، دهون وبروتين ونشويات، البروتينات بتتكسر لحاجه اسمها اماينو أسيد (احماض امينيه)، حاجه اسمها إسينشيال، يعنى اساسية والجسم لا يصنعها، لازم تأخذها من خارج جسمك، أما الدهون اسمها إسينشيال فاتى اسيد (احماض دهنية اساسية)، الجسم لا يعرف يعملها، اى لا تُصنَّع فى الجسم. نأتى الآن للكاربوهيدرات او النشويات، سكر…. هل فى حاجه اسمها إسينشيال جلوكوز… طبعاً الاجابة لا.. يبقى الجسم غير محتاجه، انا لا استطيع ان اعيش من غير بروتين، جسمى لا يصنعه، ولا اقدر ان اعيش بدون دهون، كل خلايا مخى دهون، الاعصاب كلها دهون، الانزيمات معظمها دهون، الهرمونات كلها دهون، الفيتامينات كلها دهون، لا استطيع العيش من غير دهون، لكن بالنسبه للكاربوهيدرات، هناك مليون سبب يجعل الجسم يعمل مصادر للطاقة، حتى الاماينو اسيد، الجسم بيحولها لجلوكوز.
فى نظام الكيتوچينك، الجسم بيحرق الاحماض الامينية هذه، وبيحرق الدهون ويحولها الى كيتونات، ارجعوا لمقال الكيتوچينك لكى تراجعوا ماذا يفعل الكيتوچينك فى الجسم. يا مرضى السكر النوع التانى، فى حد نبهك انك تغير نظام اكلك تماما، علاج السكر بتنخفيض مستوى الانسولين فى الجسم، وبما انه بيرفع السكر بسبب النشويات، يبقى لازم توقفها فوراً او تقننها.
طيب واحد يقول: انا نفسى اشرب بيبسى، اشربها دايت زيرو سكر، انا نفسى فى شيكولات، كلها خام خالية من السكر، طيب ما هى بدائل السكر…. كل البدائل الصناعية للسكر بتسسب اجهاد للبنكرياس، شوف ركز فى هذه النقطة وافهمها جيداً، لما تاكل قطعة تورته تتحول فى جسمك الى جلوكوز بمقدار مثلا 100، لكن لما تاكل مثلا 100جرام بروكلى يتحول فى جسمك الى جلوكوز بمقدار 10.شايف الفرق.. هذا اسمه مؤشر الجلوكوز ، انا يهمنى مؤشر الانسولين، وليس مؤشر الجلوكوز، يعنى استجابة الانسولين للاكل حسب نوعه. مجرد فكرة بسيطة عشان تفهم مدى استجابة الانسولين لنوع الاكل، هذا ما سنتعرف عليه فى الجزء القادم ان شاء الله وشكراً.
