دكتور رمضان الكيال يكتب... 4 أكلات تضبط مستوى السكر وهذه أعراض الخطر

الإخوه والأخوات الاعزاء... نستكمل اليوم الحديث عن مرض السكر، ونركز فى هذا الجزء على توضيح أعراض السكر ونذكر أشياء من الطبيعة تظبط مستوى السكر فى الدم، فبسم الله نبدأ ونقول:

سأحاول معك ان نفهم معنى مؤشر الانسولين، يعنى مدى استجابة انسولين جسمك لهذا النوع من الطعام. هناك بروتينات لما تاكلها، الانسولين يعلى بنفس القدر عند اكلة مكرونة،هل تعلم أن الانسولين يرتفع مع أكل جزرة واحده اكتر من وجبة مكرونه بيضاء؟.

هذا المفهوم غَيَّر الفكر فى العالم كله، فى واحد بعد أكل الأرز بتكون استجابة جسمه للانسولين 100٪، وواحد تانى استجابته للانسولين 30٪، مش كل جسم مثل الآخر... لازم تعرف مقدار مؤشر الاأسولين فى جسمك... عرفتم سبب إن فى ناس نحيفه ومهما ياكلوا أرز ومكرونه لا يسمنوا ابدا. لان مؤشر الانسولين عندهم واطى. ولعلمك كل نوع طعام له مؤشر انسولين مختلف عن التاني. يعنى مثلا البيض 31، والجبنه 45، والبيف 51، والسمك 59، والعيش الابيض 100، والحبوب المطبوخه 120، والبطاطس 121، والحبوب الرخوة 160.... الخُلاصة إن كل ما كان الانسولين عندك واطى، فأنت لا تحتاج الى دوا، ولا تُعتبر مريض سكر، والادوية لا تخفض الانسولين، هى بتساعده انه يدخل الخلايا، انا أريد الأكل هو الذى لا يجلب لنا السكر ويرفع الأنسولين.

دلوقت نقدر نقول حاجه مساعده لمريض السكر من النوع التانى، فى عنصر اسمه كروميوم، قبل ما تذهب الى الطبيب وتقول له انا عندى سكر، تاخد كروميوم لمدة شهر، حبايه واحده على معده فاضيه قبل الأكل، وبعيداً عن توقيت تناول دوا الغدة الدرقيه، فالكروميوم هذا بيفتح بوابات الخلايا لتأخذ السكر بداخلها... ولعلمك الكروميوم موجود فى الخضروات الصليبيه مثل الكرنب والقرنبيت والبروكلى.

والآن نعرض لك أعراض السكر كما يلى:

عطش شديد... نهم فى الأكل وشهيه مفتوحه... الوزن يقل يعنى تخس، لأن الأنسولين بيحرق كل الطاقة التى لديك... تدخل الحمام بالليل كتير ثلاث وأربع مرات.

يبقى تاخد كروميوم وتمنع السكريات والنشويات تماما، وتعيش على الدهون واللحوم والخضروات بجميع أنواعها، عندك أربع حاجات مُمتازين لتظبيط السكر:

البامية والقرفة وخل التفاح ومغلى الكمون... هذه الأطعمه لما تاخدها تخفض السكر العالى وتنزله، تشرب القرفه ومغلى الكمون، وتاخد ملعقة كبيره خل تفاح على كوب ماء بعد الغدا، وممكن تضيف القرفه على الاكل مثل التوابل، تنقع الباميه وتاكل كل يوم خمس حبات، تخفض مستوى السكر خالص يعنى ترجعه طبيعى. واحد يقول انا سُكرى دايماً واطى، بيوصل من 40 الى 50، هقولك تعمل ايه فى الجزء القادم ان شاء الله وشكراً.